Kaixo lagunak! Abenduaren 22an, asteartea, Olentzeroren jaia ospatuko dugu eskolan.
Hauek izango dira aurtengo eginkizunak:
9.15etan… Olentzeroren bila aterako gara, 5 urtekoak eta 1go ziklokoak (beste guztiak atarian egongo dira itxoiten). Zanpantzar Txiki eta eskusoinuz lagunduta, eskolara ekarriko dugu alai-alai.
9,45etan… Olentzero Haur Hezkuntzako geletatik ibiliko da, bakoitzean tartetxo bat emanez.
10,25etan… Lehen Hezkuntzako geletatik pasako da, gela bakoitzean tarte txiki bat egonez.
11etan… jaialdiari hasiera emango diogu, soinketalekuan. Hauek dira Olentzerori eskainiko dizkiogun kantak:
Olentzerori ongi-etorria
• Para bara Pa Pa (Haur Hezkuntza 3 urte)
• Olentzero begi gorri (Haur Hezkuntza 4 urte)
• Elurra Teilatuan (Haur Hezkuntza 5 urte)
• Kax-kax-kax atean (Lehen Hezkuntza 1go maila)
• Oilarrak kanta kantari (Lehen Hezkuntza 2. maila)
• Kanpaiak jaietan (Lehen Hezkuntza 3. maila)
• Gabon gaua (Lehen Hezkuntza 4. maila)
• Kanta Aleluia (Lehen Hezkuntza 5. maila)
Lehen Hezkuntzako 6.mailakoek aurkezpena bertsoen bidez egingo digute.
12.30etan… Haur eta Lehen Hezkuntzako ikasleentzako Zozketa mundiala.
Astearte goizean neska-mutil eta irakasle guztiak baserritarrez jantzita etorriko dira.
OHARRA: Jai hau bereziki neska-mutilentzat da, beraz, haurren eta irakasleen lana errespetatzea eskertuko dizuegu: isiltasuna mantenduz, lekua utziz, euskara erabiliz eta argazkiak ateratzeko ez molestatuz. Jakin ezazue mugatutako eremuan ezin izango dela sartu. Ikasle guztiak ikasgelara igoko dira jaialdia bukatutakoan. Norbaitek bere seme-alaba eraman behar badu, ikasgelara igo dadila bere bila.
Eskerrik asko zuen laguntzagatik
Gabon zoriontsuak eta urte berri on opa dizuegu!!!
